Аурухана басшылығы және Fenox компаниясының қолдауының арқасында 2024 жылғы 20 және 21 қарашада Көп бейінді облыстық аурухана базасында күрделі ми аневризмаларына арналған pСonus2 бифуркациялық имплантын эндоваскулярлық имплантациялау бойынша мастер-класс өткізілді. Солтүстік өңірде алғаш рет нейрохирургия бөлімшесі мен ангиография кабинетінің мамандары Alessandro Checchia (Милан қаласы, Италия) маманымен бірлесіп осындай операция жасады. Мастер-класта СМС пакеті аясында 3 пациентке операция жасалды. Операциялар сәтті өтті, пациенттер өздерін жақсы сезінеді және босатуға дайындалуда. Біздің мамандарға облыс халқының денсаулығы үшін өз дағдыларын одан әрі дамытып, жетілдіруді тілейміз!