2025 жылғы 20-21 маусымда Астана қаласында "Инсульт мектебі-2025" халықаралық ғылыми – практикалық конференциясы өтті, оған Көп бейінді облыстық аурухананың инсульт орталығының меңгерушісі Ирина Михайловна Дмитриева қатысты.

Бұл іс-шара барысында инсульттан кейінгі диагностика, емдеу және оңалтуға қатысты мәселелер қаралды. Өйткені, инсульт бүкіл әлем бойынша өлім мен мүгедектіктің жетекші себептерінің бірі болып қала береді.

Конференцияны ҚР ДСМ "Қазақ инсультологтар лигасы" ҚБ және "Шұғыл медицинаның ұлттық үйлестіру орталығы" ШЖҚ РМК "Инсульт проблемалары жөніндегі республикалық үйлестіру орталығы" ұйымдастырды.

Конференция жұмысына алыс және жақын шетелдердің жетекші ғалымдары мен сарапшылары, сондай-ақ отандық ғалымдар қатысты.