Рак клеткаларын жоюға арналған ең заманауи аппарат — Көп бейінді облыстық аурухананың Онкологиялық орталығында пайда болған сызықтық үдеткіш. Онкологиялық науқастар енді хирургияға қарағанда, тиімдірек және қауіпсіз жоғары дәлдіктегі терапияны ала алады.

Онкологиялық орталықта соңғы буын компьютерлік томографы бар сызықтық үдеткіш орнатылды. Halcyon сызықтық үдеткіші фотон сәулесін пайдаланып сәулелік терапия емшараларын жүргізуге арналған. Жасанды интеллект жүйесі бар компьютерлік томограф сәулелену дозасын дәл есептеуге, қатерлі ісік контурын дәл анықтауға және фотон сәулесін сау тіндерге зақым келтірместен ісік жасушаларына жеткізуге мүмкіндік береді. Екі құрылғы да нақты өзара әрекеттесуде жұмыс істейді. Жеке сәулелік терапияны қолданудың әсері онкологиялық науқастардың өмір сүру деңгейінің жоғарылауы, олардың өмір сүру сапасын сақтау болып табылады. 

Қазіргі уақытта қызметкерлерді жаңа жабдықта жұмыс істеуге үйрету жүріп жатыр. Орталық қызметкерлері аппараттың жоғары жұмыс жылдамдығымен, жайлылығымен және қауіпсіздігімен, оңай жұмыс істеуімен ерекшеленетінін атап өтті.