Баланың тұңғыш құжаты болып табылатын туу туралы куәлiк ата-аналарға салтанатты жағдайда табыс етiлдi. Тәуелсiздiк күнi қарсаңында Петропавлда, Облыстық перинаталдық орталықта ХҚКО қызметкерлерi туу туралы куәлiктi салтанатты түрде табыстады. Осы орайда «ХҚКО» РМК СҚО бойынша филиалының директоры Р. Шәмшиев ақпарат бердi: «Бүгiнгi таңда ҚР Тәуелсiздiгi күнi ұлттық мерекесiнiң құрметiне бiздiң ХҚКО-да акция өткiзiлуде. Ол ХҚКО барлық бөлiмшелерiнде, перзентханалары бар СҚО барлық аудандарында өтуде. Оған 8 аудан қатысып отыр. 13-ке жуық адам перзентханадан шығарылуда. Жыл басынан берi Солтүстiк Қазақстан облысында барлығы 6,5 мыңға жуық туу туралы куәлiк берiлген» деп атап өттi Р. Шәмшиев.