8 Наурыз — бар әсемдiк атаулының көрiнiсi болып табылатын, табиғатынан сұлулық пен махаббатты, мейiрiмдiлiк пен нәзiктiктi бiр бойына жинаған ақ жаулықты әжелерiмiздiң, аналарымыздың, жұбайларымыздың, әпке-қарындастарымыздың, қыздарымыздың, сүйiктiлерiмiздiң кейпiн бейнелейтiн шұғылалы көктемнiң алғашқы мерекесi. 2016 ж. 5 наурызы Облыстық перинаталдық орталықта өткен концерт әйелдердiң бiр өздерiне арналды. Салтанатты шарада Облыстық филармонияның күмiс көмей әншiлерi ән салып, әйелдерге жылы лебiздер бiлдiрiлдi. Кәсiпорын басшысы Ж.Қ. Мауытова ұйымның үздiк қызметкерлерiне адал еңбегi, кәсiпқойлылығы және жұмыстағы жоғары жетiстiктерi үшiн құрмет грамоталарын табыстады. Iс-шара ыстық ықыласта, керемет жағдайда өттi.