«Нұрлы жол — болашаққа бастар жол» атты ҚР Президентi Н.Ә. Назарбаевтың Қазақстан халқына Жолдауын талқылау бойынша Кардиологиялық орталық ұжымының жалпы ауруханалық жиналысы өттi. Жас отбасылар үшiн баспаналы болуға қол жетiмдiлiктi ұлғайтатын, жалға берiлетiн баспана салуға қосымша қаржаттың бөлiнетiндiгi туралы айтылған, Инфрақұрылымдық дамудың 5 жылдық жоспарының 5 және 6 тармақтарын жас мамандар үлкен шабытпен қабылдады. 3 жылдың iшiнде 20 миллиард теңгенiң бөлiнуi басқа да маңызды проблема — балабақшаның жетiспеушiлiк мәселесiн шешуге мүмкiндiк бередi. Мемлекет жастардың қамын ойлайды, ал жас мамандардың мiндетi өздерiнiң күнделiктi еңбектерiмен, тұрғындардың өмiр сүру сапасы мен ауқаттылығын нығайту, жоғары сапалы медициналық қызмет көрсету болып табылады.