Кардиологиялық орталықтың кеңес беру-диагностика бөлiмшесiнде науқастарды оталық емдеуге iрiктеу үшiн 2015 жылғы қаңтардың 29-ы және 30-ы күндерi «ҰҒКО» АҚ кардиохирургтерi, интервенциялық кардиологтары мен аритмологтары келедi деп жоспарланып отыр.

Туа бiткен және жүре пайда болған жүрек ақауы бар, миокард инфарктiн алған, 3-4 ФК стенокардиямен, 2-3 дәрежелi жүрек өткiзгiштiгiнiң жетiспеушiлiгi және ырғықтың бұзылуымен ауыратын науқастар мен жоғары мамандандырылған кардиохирургиялық көмек көрсетуге көрсеткiштерi бар науқастар жолдама алу үшiн жергiлiктi жердiң емханасына барулары керек (RST — ресинхронизациялайтын терапия, сол жақ қарыншаның жасанды LVAD имплантациясы).

Туындаған сұрақтар бойынша облыстың штаттан тыс бас кардиологi М.П. Телюкке 87152330717 телефоны бойынша хабарласуға болады.