Жыл сайын жаздың алғашқы күні елеулі мереке — Халықаралық балаларды қорғау күні аталып өтеді. Осы күні барлық мектептерде, балалар мекемесінде концерттер, кештер ұйымдастырылады. Аталмыш мереке қуанышты әрі мұңлы. Балаларымыздың бақытты болғаны әрине тамаша, бірақ өкініштісі сол, балалардың көпшілігін ересектердің қаталдығы мен зұлым әрекеттерінен қорғауға, тіптен құтқаруға тура келеді.

Облыстық перинаталдық орталықтың бас дәрігері Балалар үйінің балаларын құттықтау шарасына қатысты. Сәбилер өздерінің өте әсерлі концерттерін көрсетіп, СҚО денсаулық сақтау басқармасының басшысы В.М.Безлердің және Петропавл қаласындағы медициналық ұйымдардың бас дәрігерлері табыс еткен сыйлықтар үшін шексіз қуанды.