Облыстық перинаталдық орталықта қарттар және мүгедектер күніне орай қайырымдылық сенбілігін өткізу дәстүрге айналды.

Аллеялар мен жолдарды ретке келтіру, қураған жапырақтарды жинап, бордюрларды әктау үшін қызметкерлер бар ықыластарымен перзентхананың аумағына шықты.

Қайырымдылық сенбілігі күнінен түскен бір күндік еңбекақы мөлшеріндегі қаражат ОПО-да және №1 қалалық перзентханада бұрын жұмыс істеген ардагерлер мен зейнеткерлерді құттықтау үшін жұмсалмақ, қаражаттың бір бөлігі Облыстық Ардагерлер кеңесіне аударылды.

Қарттар мен мүгедектер күнін өткізуге белсенді қатысу - әрқайсысымыздың борышымыз. Аға буынға, әсіресе, өз кезінде жұмыс істеп, балалардың туылуы үшін қайырымды іске өмірін арнаған қызметкерлерімізге қолдау көрсетуіміз қажет.