2015 жылы 28 қыркүйек Кардиологиялық орталық базасында Астана қаласындағы «Қазақстан Республикасы Президентi iстерiн басқару медициналық орталығының ауруханасы» РМК кардиохирургия бөлiмшесiнiң ординатор дәрiгерi Р.К. Албаевтың қатысуымен тұсаукесер-семинар өттi.

2015 жылы наурызда Астана қаласындағы «Қазақстан Республикасы Президентi iстерiн басқару медициналық орталығының ауруханасы» РМК жаңа нысаны пайдалануға берiлiп, мемлекеттiк қызметкерлердiң iшiнен бекiтiлген құрамға, сондай-ақ халықтың басқа да санаттарына бiлiктi, мамандандырылған және жоғары мамандандырылған (ЖММК) медициналық көмек көрсетуге арналған емдеу мекемесiнiң жаңа түрi болып табылады.

Ұйым ЖММК келесi бейiндер бойынша көмек көрсетедi: интервенциялық хирургия, хирургия, торакальдық хирургия, кардиохирургия, урология, травматология, офтольмология, гинекология, нейрохирургия.

Семинардың жұмысына Кардиологиялық орталықтың дәрiгерлерi, қалалық емханалар мен жақын аудандардағы ауруханалардың бас дәрiгерлерiнiң орынбасарлары қатысты.