Мастер-класқа акушер-гинекологтар, ангиохирургтар, рентгенологтар, УДЗ дәрігерлері және қала мен облыстың урологтары қатысты.

Мастер-класс теориялық және практикалық бөлімдерден тұрды.

Теориялық бөлім аясында Қазақстан мен шетелдің тәжірибеші дәрігерлері озық тәжірибелерімен бөлісті. Баяндамалармен С.Руцкий (эндоваскулярлық хирург, КБОА, Петропавл қ.), Ж.Қожахметова (академик Ж.К. Хамзабаев атындағы радиология ҒЗИ м.ғ.к., доцент, Астана қ.), И.Чалык (гинекология бөлімшесінің дәрігері, КБОА, Петропавл қ.), Даутов Т. (ҚР ДСМ сәулелік диагностика және интервенциялық радиология жөніндегі бас штаттан тыс маманы, "UMC" КҚ радиология және ядролық медицина клиникалық-академиялық департаментінің директоры, "Қазақстан радиологиялық қоғамы" РҚБ Вице-президенті), Е.Мун (интервенциялық радиолог, КБОА, Астана қ.), Ғазизов Р. (Smart Health and Science компаниясының директоры, Нидерланды).

Практикалық бөлім Ультрадыбыстық диагностика дәрігерлері мен гинекологтардың қатысуымен ангиографиялық кабинетте және ультрадыбыстық диагностика кабинетінде өтті. Мастер-класта МӘМС пакеті шеңберінде 3 пациентке операция жасалды.

Соңында қатысушылар өз білімдерінің қорын толтырып қана қоймай, мастер-класс өткендігі туралы сертификаттар алды.